الاراجووووووووووووز

ازيكوا يا احلى اعضاء واحلى امهااات

فكرة الاراجوز بورق الكوريشة ونبتدى بسم الله

الأدوات المستخدمة:

ورق كويشة الوان(الورق المكرمش ده) _ ورق لوحات بتاعت حوائط الفصل لون ابيض_فل ابيض اللى بيبقى مع اى جهاز جديد _غراء ابيض_ الوان خشب او فلوماستر_خيط صنارة الشفاف

الطريقة:

1_نقص الفل الابيض دائرة للوجه ومستطيل للجسم وشكل الكفين والارجل وهيبان فى صورة النتيجة النهائية ان شاء الله وطبعا الطاقية او الطرطور بتاع الاراجوز وعبارة عن مثلث وقاعدته نصف دائرية للداخل

2_نرسم على ورق اللوحات المقوى وجه الاراجوز العين والفم والانف ونلونها وطبعا على نفس مقاس الدائرة السابق قصها ونلزقها عليه

3_نلصق ورق الكوريشة اللون المفضل للطفل طبعا على المستطيل (الجسم) واللون الاخر للقبعة او الطرطور
4_
نقوم بقص مستطيلات طويلة من اللونين المختلفين ثم نقوم بلصق طرف المستطيلين بحيث يكون كل منهما عامودى على الاخر على مستطيل الجسم مكان الذراعين واخران مثلهما مكان الرجلين ثم نقوم بثنى كل منهما على الاخر وهم متعامدان وففى اخر الاطراف نلصقهما ببعض ونلصقهم بالكفين او القدمين السابق قصهما على الفل الابيض
5_نقوم بلصق الوجه بالجسم والطرطور بالراس بواسطة الغراء الابيض
6_واخيرا نقوم بخياطة الطرطور والكفين والقدمين بخيط الصنارة الشفاف للتحكم بتحريكه فى الاوضاع المختلفة

وطبعا يا جماعة كل الخطوات نخلى اطفالنا هية اللى تقوم بها مع مساعدتنا ليهم فقط فى اى شىء صعب او خطير عليهم
وان شاء الله النتيجة هتعجبكم وتعجبهم اوى ومتنسوش تدعولى ربنا يتمملى زواجى على خير ويرزقنا بالاطفال للى نعمل معاهم الحاجات دى والافكار دى كلها نفذناها بالفعل مع اطفال فى الحضانة وحبيت انقلهالكوا علشان تعملوها مع اولادكوا

ودى بقى النتيجة النهائية:

واول واحدمن اليمين فى الصورة معمول بطريقة تانية وابسط للتغيير وهية قص الايدى والارجل بالورق المقورى او الكارتون الجامد مستطيل طويل ومستطيل اقصر وربطهم مع بعض بدبوس مكتب علشان نقدر نحركهم بردو

م ن ق و ل

مشكورة اختى وننتظر مزيدك